بلح الشام بالقشطة

المقادير

2 كوب سكر

2 كوب حليب

4 ملعقة كبيرة نشا

فانيليا

ملح

4 ملعقة قشطة

4 ملعقة كبيرة سكر

1/2 كوب دقيق

1/2 كوب زبدة عدد

4 بيضات كبيرة

1/2 ملعقة صغيرة ملح

كوب ماء

1/2 ملعقة صغيرة فانيلا

3 ملاعق كبيرة سميــــد

3 ملاعق كبيرة قشطة

التحضير

تحضير الشربات

2 كوب سكر

كوب ماء

تحطيهم على النااار وتفضلي تقلبي الى ان

يذوب السكر تماما

وبعدها تخليه يغلي ولما يغلي هـــّدي النار تماما

حطي عصير 1/2 ليمونة كبيرة

وخليه ربع ساااعة على نار هادية

وهيبقى سمييك جدا زي الجلوكوز

كده واطفي عليه وحطي فانيلا وبس

تحضير القشطة

حطي في كسرولة

و2 ك حليب عليهم 4 ملاعق كبيرة نشا

وسكر حسب حبك للطعم الحلو

يعني ممكن 4 ملاعق كبيرة سكر

وتقلبيها عالنار لغاية ماتغلي وتتقل

زي اي مهلبية

وبعدها ابعديها عن النار

وحطي فانيلا ورشة ملح و 3 الى 4 ملاعق كبير قشطة

و1 ملعقة صغيرة زبدة

وخليها على جنب تبرد

تحضير بلح الشام

تحطي المية والزبدة والملح على النار

وتخليهم يغلوا

ولما تغلي وتفور

تنزلي عليها بكل الدقيق

دفعة واحدة

وتقلبي بمعلقة خشب

لمدة دقيقة ونص كده

لحد اما تبقي كورة في جنب القدر

وتخفقي البيض كله في طبق مع الفانيلا

وبعدها تنزلي بيه عالعجينة السخنة

مرة واحدة

وتخفقي على طول

بالمضرب الكهربائي على أعلى سرعة

لمدة 5 دقايق هتلاقي العجينة

بقت مطاطية

وسميكة وتقيلة وبتـلــّصق

ساعتها توقفي خفق

وطبعا العجينة بعد خفق البيض فيها

هتكون بردت ودخل فيها هوا

دلوقــتي

تحطي عليها القشطة والسميد

وتقلبي كويس بملعقة خشب

عشان القشطة والسميد يندمج في العجينة

ويختفي

الطريقه

وبعدها حطيت جزء من العجينة في كيس حلواني

مدخلة فيه قمع النجمة حجم متوسط

لان بلح الشام بينفش

فلو القمع كبييير اووي

لما ينفش بلح الشام هيبقى

كبير اووي ومش باين فيه اي نقشة

او زخرفة من القمع

وتحطي جنبك ساعة القلي طبق صغنن فيه زيت

وتكون جنبك سكينة

تضغطي عالكيس بإيــــــد

وبالإيد التانية

تقطعي بالسكينة اللي بتحطيها في الزيت عشان ماتلصقش

وتخليه يستوي علي نار هادية

وبعد مايستوي تحطي دقيقتين على ورق مطبخ

وبعدها تنزليه في الشربات التقيل

وتخليه يتصفى من الزيادة

وبعد لما تغطسي كل مقدار بلح الشاام

في الشربات

تحطي القشطة في حقنة التزيين

وتضخيها جوووه بلح الشاام

كأنك بتحشي اكلير

وتزينيه بالطريقة المفضلة ليكي