طريقة التزيين والحشو
طريقة عمل المروار
المقادير
كوب عسل جلوكوز
كوب سكر
كوب كريمه لباني
و1/2 كوب كاكاو خام دارك
الطريقه
ملعقة جيلاتين مذابه في نصف كوب ماء واصفيها على الخليط
العسل على النار وعليه السكر لحد ما يبقوا لون الكراميل
وانزل عليه بالكريمه اللباني وبعد كده الكاكاو الخام واقلب
واحط الجيلاتين بعد كده اصفي الخليط ده
واحطه في الثلاجه هتلاقيه مسك حطيه على حماما ماء دافي
دى طريقة الشيف حسن
طريقتي
المكونات
كوب ونصف لبن
قالب شوكولاته مطبخ غير محلى
و1/2 كوب كاكاو خام دارك
و2 ملعقه عسل نحل
و1/4 كوب سكر
ملعقه كبيره زبده
الطريقه
سخني اللبن وضيفي عليه قطع الشوكولاته وقلبي لحد ما تسيح
وبعد كده ضيفي السكر وقلبي لحد ما يدوب
وبعد كده حطي الكاكاو وقلبي كويس علشان ميكلكعش
وبعد كده اطفي اول ما يغلى وحطي العسل وقلبى
وبعد كده الزبده سبيها تبرد
وشوفي تقل الشوكولاته اذا لقتيها تقيله قوي ممكن تخففيها بشوية لبن دافي
وقلبيها وسبيها تبرد تاني
للحشو
من الداخل هاتي قيمة اللي هتحشي بيه من الشوكولاته وحطي عليه كريم شانتي مخفوق وساقع برضوا
الكميه اللي تكفي للحشو وقلبيهم مع بعض
كده انتي عملتي موس شوكولاته وحطي عليهم عين جمل متكسر
هاتي اول طبقه وش الكيكه اللى هي هتبقى التورته من تحت بعد ما تكوني سقيتي الكيكه سفن وسبتيها ترتاح
وحطيها على حاجه بفتحات كبيره تقدر تصفي الشوكولاته اللي هنضيفها على الوش
حطي كميه من موس الشوكولاته على قعر التورته وبعد كده حطي الطبقه التانيه
وضيفي موس الشوكولاته واخر طبقه
( قعر الكيكه ) اقفلي بيها ترتيب التورته
وساوي جناب التورته كويس انهم يكونوا فوق بعض كلهم
هاتي كمية الشوكولاته اللي انتي عملتيها
ومن نصف التورته من فوق
ابدئي نزلى الشوكولاته هاتي سكينه او اي حاجه ناعمه
وابدئي افردي الشوكولاته على الوجه ومن الجناب زينيها بوحات عين جمل وكريز
لو بيحب حشو الكريم شانتيه
اعملي الكيكه دقيق فقط من غير كاكاو
الكريم شانتي انا بحب اجيبه خام من العطار علشان اتحكم في تقله وطعمه
كوب الا ربع كريم شانتي
حطى عليه 2 باكو فانيليا وسكر بودره حسب الكميه اللي انتي تفضليها ولبن ساقع
انزلي بيه شويه شويه وانتي بتضربي
علشان تشوفي التقل اللي انتي عايزاه وبعد ما تخلصيه حطيه في التلاجه يبرد
هاتي علبة كمبوت فواكه مشكله وصفيه من مايته كويس قوي الكيكه هتقطعيها
وتسقيها زي ما قولنا بالسفن اب واحشي الطبقات كريم شانتي ورشي عليها الفاكهه
وزينيها بقطع فاكهه من على الوش او كريز
1 تعليقات
شكرا ع المعلومة
ردحذف