سمك فيليه بصلصة الطماطم

المقادير

نص كيلو سمك فيليه

بصلة مقطعة شرائح رفيعة

بهارات سمك هتلاقيها عند العطار

نص كوب زيتون أسود مقطع شرائح

3 ثمرات طماطم مقطعة قطع صغيرة

ثمرة فلفل رومي مقطعة قطع صغيرة

نص حزمة بقدونس مقطعة قطع صغيرة

ملعقة كبيرة زيت زيتون

3 فصوص ثوم مفرومين

نص كوب عصير ليمون

2 ملعقة كبيرة كمون

ملح وفلفل

الطريقة

اخلطي الملح والفلفل والكمون وبهارات السمك ونصف مقدار عصير الليمون مع بعض

وتبّلي بيهم السمك لمدة ربع ساعة

لتجهيز صلصة الطماطم

حمّري البصل والثوم في زيت الزيتون لغاية لونهم ما يبقى دهبي

وبعد كده ضيفي عليهم الطماطم والزيتون والبقدونس والفلفل وباقي كمية عصير الليمون

وسيبيهم على النار لمدة عشرة دقائق

ضيفي السمك المتبّل إلى صلصة الطماطم وسيبيهم على نار هادية لمدة 10 دقائق أو لغاية ما تلاقي السمك استوى

وحطّيه في أطباق التقديم وممكن تعملي معاه رز أبيض