فراخ محشية بالفريك

المقادير

فرخة كاملة
نص كيلو فريك منقوع في ميه
حبة بصل مفرومة
كوب عصير طماطم
ربع كوب كرفس مفروم
نص كوب كزبرة خضرا
و2 مكعب مرقة دجاج
كبد وقوانص فراخ
و2 ملعقة كبيرة زبدة
ملح وفلفل

الطريقة

حطّي الزبدة على النار وشوّحي فيها البصل المفروم لحد ما يدبل
وحطّي معاه مرقة الدجاج وبعد ما تدوب حطي الكرفس وقلّبيهم لمدة 5 دقائق
بعد كده قطّعي الكبد والقوانص قطع صغيرة وحطّي القوانص في الأول
وبعد ما تبدأ تستوي حطي الكبدة
ومعاهم عصير الطماطم وسيبيهم على النار لحد ما تتسبّك
وبعدين حطي الكزبرة والفريك وقلبيهم
اغسلي الفرخة كويس وتبّليها من بره وجوه بالملح والفلفل وملعقتين عصير طماطم
وابدئي احشيها بالفريك من جوه
وحاولي تحشي الأجزاء اللي بين الجلد والعظم
ادهني الفرخة من بره بالزيت
ودخّليها الفرن لمدة 25 دقيقة لحد ما تبقى لونها دهبي
ممكن لو متبقي عندك من خليط الفريك ممكن تسوّيه
وتحطّيه في طبق التقديم وعليه الفرخة المحشية وقدّميها