المقادير
3 بصلات كبار
حزمة شبت
2 حزمة بقدونس
3 معالق كبار ومليانين صلصة طماطم
كيلو رز
كرنبة متوسطة
ملح
فلفل
كمون
3 معالق زيت
الطريقة
تغلي ماء على النار وتحطى فية شوية كمون
وتطلعى ورق الكرنب من الكرنبة بانك تقطعية من عند الراس بالسكينة
وتحطية فى الماء المغلى يا دوب ثوانى وتطلعية فى المصفا
بعد كدة تقطعية حسب المقاس اللى انتى عايزاة
طريقة عمل الخلطة
تفرمى البصلة بالسكبنة وتحطى عليها شوية ملح
وتفضلى بايدك تدعكيها كويس كانك بتعصريها بين كف ايدك
هتلاحظى انها طريت ونزلت شويه سائل وهو المطلوب
بعد تنقية الخضرة طبعا وغسلها كويس تخرطيها بالسكبنة على البصل
وتحطى كل التوابل والزيت والطماطم واخيرا تجيبى الرز وتغسلية
وتصفية كويس وتحطية على الخلطة وتخلطى كله كله كويس
وتحشى ورق الكرنب ورقة ورقة ومش كتير علشان ما ينفش
ضعى فى قعر الحلة قبل وضع المحشى شرائح طماطم
تخينة تغطى بيها القعر كلة علشان المحشى اللى تحت ما يتحرقش
اغلى ماء فى حلة
(ممكن مكعب خضروات)
وفيها معلقة زيت علشان
المعلقة دى هى اللى بتدى صابع الكرنب لمعة من برة
ضعى شوربة المكعب على الكرنب بحيث يا دوب تكون عند الصف الاول
وتحطية على النار وتهزى الحلة وتسبية يادوب يغلى
ويشرب الشوربة تروحى موطية النار خالص زى الشمعة لحد ما يستوى بانك تطلعى صباع وتدوقية
وممكن عند التقديم تقلبى الحلة زى ما هيا فى سرفيس
فهتلاقى شكل الطبق من فوق مرصص بحلقات الطماطم شكله حلو
ملحوظة : اذا كانت الكرنبة صغيرة
ممكن تفككيها بالسكينه كويس من فوق وتحطيها زى ما هيا فى الحلة
حتلاحظى ان الورقة اللى حتكون جاهزة سابت الكرنبة لوحدها
وبعدت عنها دة معناه انها خلصت و هكذا
0 تعليقات