بيتزا بالسجق اللبناني المدخن والزيتون الأخضر

المقادير العجين - تعمل بيتزا واحده متوسطة الحجم

عدد ½ 1 كوب دقيق 

و½ 1 معلقة صغيرة سكر 

و½ معلقة كبيرة خميرة جافة

و½ معلقة صغيرة بيكنج باودر

و½ معلقة صغيرة بودرة ثوم

و½ معلقة صغيرة أوريجانو أو زعتر بري 

و½ 1 معلقة كبيرة ليب بودرة

و3 معالق كبيرة زيت زيتون

ماء دافئ

مقادير صوص الطماطم

طماطم طرية مهروسة

ثوم كتير مقطع شرائح

و½ كوب مرقة خضروات

ريحان فريش

زعتر فريش 

بابريكا

ملح وفلفل أسود

زيت زيتون

مقادير توبينج البيتزا

سجق لبناني مدخن

زيتون أخضر

مشروم فريش 

بصل أحمر مقطع شرائح رفيعة

طماطم شيري مقطعه شرائح

فلفل أحمر وأخضر

شيدر صفراء 

شيدر حمراء

جبنة موتزاريلا

الطريقة

لعمل العجينه : ندوب الخميرة مع الشكر في شوية صغيرة ماء دافئ ونسيبها تخمر وتنفش

 نخلط كل المكونات الجافة ونضيف عليه الخميرة 

ونبداً في إضافة المياه شوية شوية ونعجن لحد ما قةام الهجينة يظبط

 ندهن العجين بالزيت ونسيبها تخمر نص ساعة على الأقل

لعمل صوص الطماطم : نسخن زيت الزيتون مع الثوم ونسيب الثوم يتحمر بس لحد ما لونه يبدأ يتغير للذهبي

 نضيف الطماطم وكل الأعشاب والتوابل والمرقة ونسيبها على نار عالية لحد ما تغلي، نغطي عليها 

ونسيبها على نار متوسطة وأما تستوي وتتركز فيها النكهات نرفع الغطاء 

ونسيبها على نار متوسطة شوية لحد ما الصوص يتقل ويوصل للسمك المطلوب

 نسيب الصوص يبرد خالص قبل ما نبدأ نستخدمه

نفرد العجينة رفيع ونحطها في صينية الخبز

 نقطع كل مكونات البيتزا أثناء ما نسيبها تخمر شوية في الصينية

 نغطي العجينة بصوص الطماطم ونضيف فوقه طبقة جبنة شيدر حمراء وصفراء 

وبعدين نبدأ نضيف الخضروات وكل شئ على الوجه

 نخبز في فرن سخن على نار متوسطة عاليه 

وقبل ما البيتزا تكمل السوا تماماً نطلعها من الفرن ونغطي وشها بالموتزاريلا 

ونرجعها الفرن لحد ما تكمل سوا والجبنة تسيح