كيكة الكريم كراميل أو قدرة قادر

مقادير صوص الكراميل

كوب سكر

ربع كوب ماء

مقادير الكريم كراميل

مقدار 3/4 لتر حليب كامل الدسم

و1/2 كوب سكر

و5 بيضات

و1 1/2 معلقة صغيرة فانيليا

مقادير الكيكه

عدد 3 بيضات

و1/2 كوب زيت

و1/2 كوب لبن

و1/2 كوب سكر

و2 معلقة صغيرة بيكنج بودر

رشه ملح

و1 معلقه صغيرة فانيليا

كوب دقيق منخول

الطريقة

لعمل الكراميل نحط السكر والماء على نار متوسطة لحد ما يصبح لونه ذهبي

 نرفع من على النار ونصب حالاً في طبق الخبز

 ونحرك لحد ما الكراميل يغطي الطبق كله

لعمل كريم الكراميل نخلط السكر مع الحليب ونتركه على نار متوسطة لحد ما يبدأ في الغليان

 في نفس الوقت نكون بنضرب البيض مع معلقة واحدة من الفانيليا

 ونضرب على سرعة عالية لحد ما يثقل قوام البيض ويصبح مثل الكريمة ولونه فاتح جداً

 نأخد 2 كوب من الحليب المغلي ونضيفه على البيض ونمزجهم جيداً

 نضيف باقي الحليب ونمزج جيداً ونضيف المعلقة الثانية من الفانيليا

 إذا إتكون أي رغوة أو فقاعات على وجه الخليط نحاول نشيلها بالمعلقة ونتخلص منها

 بالنسبة للكيك هنخلط كل المكونات ونضربهم كويس مع بعض

 دلوقتي الجزء الغريب في الموضع

حنصب خليط الكريم كراميل في طبق الخبز ونصب فوقه خليط الكيك

 حيمتزجوا شويه مع بعض بس حيرجعوا يتفصلوا في الفرن

 نسوي كله في حمام مياه على نار عالية لحد ما الكيكه تستوي على الوش والكريم كراميل يمسك تحتها

نطلعها ونسيبها تبرد خالص بعدين نخليها الليه كلها في الثلاجة تاني يوم نقلبها 

وبالهنا والشفا