مينى تشيز كيك - Mini Cheese Cakes

المقادير

اولا طبقة البسكويت

1 1/2 كوب بسكويت مطحون

4 معالق كبار زبدة سايحة

2 معلقة كبيرة سكر ابيض

ثانيا طبقة الجبن

900 جرام جبن كريمي فى درجة حرارة الغرفة

1 1/2 كوب سكر ابيض عادى

1 معلقة صغيرة فانيليا

1/4 معلقة صغيرة ملح

1 معلقة كبيرة عصير ليمون

1 معلقة كبيرة بشر ليمون

4 بيضات

ثالثا صوص الفراولة

170 جرام فراولة مجمدة

2 معلقة كبيرة سكر ابيض عادى

الطريقه

احضرى صينية الكب كيك وافرشيها بالورق الخاص بيه

وبعد كده وزعى خليط البسكويت بمقدار معلقة كبيرة فى كل كوب

وزعيه كويس واضغطى عليه

تحضير خليط الجبن

فى الخلاط الكهربائي اخفقى الجبن جيدا ثم بعد ذلك اضيفي السكر

واخلطى حتى يذوب السكر تماما مع الجبن

بعد كده اضيفي الملح والفانيليا وعصير الليمون وبشر الليمون واخلطى

وابدئي فى اضافة البيض واحدة واحدة

واخلطى جيدا بعد كل اضافة

كده خليط الجبن جاهز

وزعى خليط الجبن فوق البسكويت بمقدار 3 معالق كبار على كل كوب

عشان نجهز صوص الفراولة

فى الخلاط اخلطى معا الفراولة المجمدة من السكر جيدا

حتى تحصلى على صوص لذيييذ

عبيه فى كيس عشان يكون سهل التوزيع

هتقصى طرف الكيس وتبدأى تعملى نقط الفراولة فوق خليط الجبن

وباستخدام خلة اسنان قومى برسم عشوائي

هندخلها الفرن لمدة 25 دقيقة لحد ملتستوى وطبقى الجبن تتماسك

بعد كده هتفتحى الفرن وتسيبيها تبرد جواه

وبعد كده هتدخليها التلاجة لمدة 4 ساعات على الاقل قبل التقديم