تورتة العروسة بالصور

نبدتى الاول بعمل الكيكة الاسفنجية 

مقادير الكيكة الإسفنجية - لصينية مقاس 30 

عدد 12 بيضات - مفصولين البياض عن الصفار

و300 جرام سكر مطحون - أوزن السكر الأول وبعدين أطحنه - السكر الخشن بيهبط الكيكة

و400 جرام دقيق منخول مضاف عليه ملعقة نشا كبيرة

( النشا بيطرى الكيكه)

فانيليا

و6 ملاعق ميه من الحنفيه - يضاف عالصفار

ملعقه خل كبيرة - يضاف على البياض

باكو بيكنج بودر

الطريقة

 طبعا استخدام كوب المقياس المدرج هو افضل حل بتكون المقادير مظبوطه جدا

 مرحلة التجهيز اهم من مرحلة الاعداد لانها بنسهل وتقلل الخطوات

 وتخليكي تركزي في مراحل ضرب البيض واهم حاجة في التجهيز هي

 يبات البيض في الثلاجه قبلها بليله 

ويفصل قبل عمل الكيكه تقريبا بساعتين ويترك ليصل لدرجة حرارة الغرفه

نجهز الصينية بدهنها بسمن سايح و فرش ورق زبده من القعر و الجوانب 

ورق الزبدة أسهل من رشه الدقيق باضمن بيها إن ما فيش نقطة سمن توصل للكيك وتهبطه وكمان 

وهو دة المفيد أسهل فى فصل الكيك عن الصينيه من غير ما حاجة تلزق فى قعر الصينيه 

 ينخل السكر البودره

 ويقسم لنصفين نصفه يضرب مع الصفار والنصف الآخر مع البياض

 ينخل الدقيق والبيكنج باودر بعد وزنه 

ويمكن اضافة ملعقة نشا وخصم وزنها من الدقيق-نضع صفار البيض في وعاء

 ونخفق بالمضرب الكهربائى على البطيء ثم على السريع

 ثم نضيف نصف كمية السكر تدريجيا والفانيلا وملاعق الماء ال6 

ونستمر في الخفق لمدة خمس دقائق تقريبا حتي يتضاعف حجمه 3 مرات 

ويتغير قوامه تماما يصبح ابيض وكثيف جدا جدا كانه كريمه

ضعي الصفار المخفوق في وعاء واسع 

واغسلي العجانه والمضارب كويس جدا ونشفيهم جامد 

وابداي في ضرب البياض اضيفي باقي كمية السكر 

ستجدين انه اصبح يكون رغاوي زي الصابون زودي السرعه الثانيه

 واضيفي ملعقة شاي خل يثبت القوام ويبيضه اكثر

اضربي علي اقصي سرعه 

وادخلي الجوانب بملعقه بلاستيك نظيفه 

وجافه استمري في الخفق حتي يتحول لميرانج

نضع الميرانغ على جنب ثم ننخل الدقيق تدريجيا 

( نصف المقدار اولا ثم النصف الاخر )

 على صفار البيض 

ونخلط بواسطة ملعقة خشبية او بلاستيكية حتى يتجانس الدقيق مع صفار البيض 

بعد ذلك نضيف الميرانغ 

( بياض البيض المخفوق بالسكر والمثبت بمعلقة الخل )

 نصف المقدار اولا ثم النصف الآخر 

 ونحرص في هذه المرحلة ان لا نخفق بشدة 

 ما نريد عمله هو مزج الخليطين مع بعض قلبي بهدء

 الهدف هو خلط المكونان من دون ما نفقد جزيئات الهواء المتجمعة في بياض البيض

 الذي كلما حافظنا عليه كلما زادت نسبة اسفنجية الكيكة

صبي الخليط المتجانس في الصينيه المدهونه وزعيه بالملعقه الخشبيه وساويه جيدا

 ثم ادخليها في الفرن سبق تسخينه لدرجة 180 لمدة 20 دقيقة قبل الخبز في المنتصف

 واقفلي باب الفرن بلطف دون حدوث أي ارتجاج 

تستوى خلال 40 دقيقة ان شاء الله 

وده شكلها بعد ما طلعت من الفرن

اولا لازم تسيبي الكيكه تبرد شوية قبل ماتشيلي الورق من عليها او تطلعيها من الصينيه 

وتتاكدي اصلا انها استوت جيدا قبل خروجها من الفرن عشان ماتهبطش

برديها كويس على منخل سلك وبعدها نقسمها على حسب السمك انا قسمتها 3 طبقات

ندخل بقى على المهم طريقة عمل العروسة 

 نحضر بولة استيل او بيركس ده شكلها

وده وهى مقلوبة على حسب مقاسات البولة حضرت دواير من الورق المقوى 

متدرجة فى المقاس عشان اقص عليها طبقات الكيكة 

وممكن تستعيضى عن دواير الورق المقوى ده باطباق لها نفس المقاسات 

 انا حضرت دواير بقطر10 ,13 ,16 ,22,19 سم

بس الدايرة اللى قطرها 22 سم 

دى طبق مسطوح هيبقى قاعدة التورتة 

 نضع الدواير على طبقات الكيكة

ونقصها على مقاسها

هنحصل على 5 دواير متدرجة القياس

والباقى طبعا من الكيكة تعملى بيه احلى بورفيترول او ترتيفل 

نبطن البولة بكيس بلاستيك

ونبدأ فى رص الطبقات 

نبدأ بأصغر طبقة كيك

وبعدها كريمة ومكسرات وهكذا لحد أخر طبقة

وبعدها نقفل الكيس على اخر طبقة 

ونضع الطبق المسطوح قاعدة التورتة على اخر طبقة 

ونضع ثقل عليه كيس سكر مثلا

وتبات كده فى التلاجة عشان تتماسك وتاخد شكل القالب

نشيل بعدها الكيس البلاستيك

هنلاقيها بقت شكل القالب بالظبط

وبعدها نغطيها بالكريمة

ونجيب عروسة ونشيل هدومها ونلفها لحد وسطها بالفويل

 ونلف شعرها برضه عشان الكريمة ما تبهدلوش

ونعمل خرم للعروسة بالسكينة فى وسط التورتة 
عشان نحطها فيه

وبعدها نكمل زينة التورتة ونعمل فستان العروسة وكل واحدة ومزاجها فى لون 

وشكل الفستان انا عملته بالابيض والبمبى عشان بنتى بتحب البمبى جدا 

وضيفت بودرة جيلى فراولة للكريم شانتيه 

عشان يدى اللون البمبى وكان مدى طعم الفراولة للكريمة 

وكان شكلها رقيق قوى وده شكلها بعد ما خلصت

واللى على وسط العروسة والفيونكة بودرة جيلى فراولة 

رشيتها مباشرة على جيبة العروسة كانت مدية لمعة ومنظر جميل 

وده شكلها على السفرة من جميع الاتجاهات