المكونات
عدد 5 بطاطس حجم كبير
زيتون اخضر واسود فيليه
فلفل اخضر مقطع شرائح
ملح وفلفل
طماطم مقطعه شرائح
ممكن تضيفى بسطرمه او لانشون سلامى زى متحبى وممكن كمان فراخ
جبنه مودذاريلا مبشوره
زعتر وريحان
كوب عصير طماطم مع معلقه ثوم مفروم مع نصف بصله مفرومه مع معلقه صلصه معجون وده هنعمل بيه صوص البيتزا
الطريق
هنقشر البطاطس ونقطعها حلقات رفيعه وبعدين نقليها فى الزيت لحد ما تدخل على انها تستوى هرفعها من الزيت
واحطها على ورق مطبخ لحد ما تصفى الزيت اللى فيها
وهبتدى اعمل الصوص فى طاسه صغيره فيها شويه زيت هحط البصل المفروم والثوم المفروم
وهقلبه كويس واول مالونه يصفر هحط معجون الطماطم وعصير الطماطم
وهتبل بالملح والفلفل والزعتر والريحان وهرفعه من على النار
وهجيب صينيه وهفرد شرائح البطاطس المقليه فيها وهتبلها بشويه ملح وفلفل
وبعدين هحط صوص الطماطم وعليه الخضار والزيتون والجبنه المودزاريلا وهدخلها الفرن لمده 5 دقايق تاخد لون
0 تعليقات