وصفات - فى اول الصفحه

السويسرول



المقادير

عدد 5 صفار بيض
و5 بياض بيض
كوب سكر
و3\4كوب دقيق
و1\4كوب نشا
فانيليا
رشة ملح
ملعقة كبيرة بيكنج بودر

الطريقة

صاج مستطيل
البيض يكون بدرجة حرارة الغرفة
المطرب والطبق يكونوا نضاف مفيش اي نقطة ميه
ونحضر الصاج بتاعنا
ندهنه ماده دهنية



ونحط ورق زبدة وندهنه بالزبدة




ونبدأ

الطريقة

نفصل البيض طبعا



ونحاول نفصله في طبق لوحدها وبعدين ننقله

لان مش عايزين يكون البياض مفيهوش اي صفار لان كده مش هيعمل مارنج

فصل البيض

نقسم السكر نحط مع الاصفر بيض 3\4 كوب سكروالفانيليا



ونبتدي نضربه علي السرعة الاولي الاول



وبعدين نعلي عليه

لحد لما يتضاعف الحجم



وبعدين
نعمل البياض
بس لازم نغسل المضرب من الخليط الاول
وننشفه كويس
وبعدين نحط البياض
ونحط رشة الملح



وبعدين نبدا الضرب لما يعمل رغوة

نبدأ نضيف باقي السكر



شوية شوية ده لازم اقل حاجة نحطه علي 3 مراحل




هنلاقي الخليط عمل علامة المنقار


كده يبقي ناجح
والملح هيساعد انه ميهبطش بسرعة
وبعدين تضيفي البياض المضروب علي الصفارنحط جزء ونقلبه
وبعدين نحط الباقي مع التقليب بخفة من تحت لفوق





وبعدين نضيف الدقيق
بالعملقة الخشب واحدة واحدة
من تحت لفوق





ونصبه في الصاج


ونفرد بسمك رفيع


وندخله الفرن


ومنفتحشي عليه لحد لما يستوي


ولما يخرج
نكون مجهزين ورقة زبدة
مرشوش عليه سكر بودرة
ونشيل الورق اللي كنا حطينه




ونلفه كويس
بورق الزبدة
فصل البيض




تجهز بولا
تكسر البيضة فوق البولة





يجب الحرص على عدم كسر الصفار



يترك البياض ليسقط فى البولة



تكرر حسب الضرورة حتى نتخلص من كل البياض



يضاف الصفار إلى البولة الأخرى وتكرر العملية حسب عدد البيض




لو هنعمل السويسرول بالمربي
بعد لما نقلبه علي الورق المرشوش سكر بودره

ونسيبه شويه في التلاجة لحد لما يبرد

وبعدين نفكه
ونقطعه

**--**--**--**--**--**--**--**

عايزاه بالشيكولاتة

تشيلي

ربع كوب دقيق
وتحطي مكانه 1\4 كوب كاكاو دارك

إرسال تعليق

0 تعليقات