هنحتاج نص كيلو سكر بودرة


و2 كوب زبدة طريقة باردة 
دول 4 صوابع كل صباع = نص كوب


و 1/3 كوب كريمة لباني او كريمة خفق غير محلاه
و1/4 كوب شورتنج - سمنة نباتيه


ده شكل الكريمة الي استخدمتها في كريمة الزبدة


وده شكل القوام كثيف جدا ومتماسك
وخدو بالكم يا بنات علشان في كريمة خفق محلاة
يعني مضاف لها سكر وفيه لا وكل واحدة ليها استخدامتها


وده شكل الشورتنج يا بنات الي هي سمنة الحلويات الي بيسألوني عليها كتير جداً
 العلبة الزرقاء دي انتاج امريكي وحتلاقوها متوفرة في سبنس وكارفور وده شكلها


هنا شكل العلبة من الجنب بصو مكتوب اية للطبخ والخبز والقلي


وده شكلها لتوضيح أكتر


والبنات الي في الخليج وممكن ما يلاقوش النوع الامريكي
مع انه متوفر جدا شركة مازولا للزيت نزلت شورتنج خاص بالحلويات
وده شكل العلبة ومتوفرة في كل السوبرماركت حالياً
 ولاحظو مكتوب على العلبة سمنة نباتي للكيك


وترجمتها شورتنج


في البداية زي ما قلنا هنحتاج لزبدة طرية بس بارة
 يعني ما تكونش سايحة قوي
وهنحط عليها الشورتنج او سنة الحلويات
 هنا نلاحظ شكل وقوام الزبدة


هنبدأ نخفق والسر في نجاح كريمة الزبدة هو فترة الخفق المناسبة
علشان تطلع معنا كريمة جميلة وناعمة ولونها فاتح مايل للأبيض


هنا بدأت أخفق لاحظو الزبدة لسه متماسكة ازي ما ذابت
ولا ساحت وده الي بقصده بكلمة طرية بارده



هنا الزبدة والشورتنج اندمجو لما خفقنا


هنبدأ نضيف السكر البودة
(وممكن نستخدم السكر الي بنطحنو في البيت عادي)


ونضيف كماية بسيطة من السكر ونخفق لحد ما يندمج السكر مع الزبدة


هنا صور قريبة لشكل وقوام الزبدة في مرحلة اضافة السكر


هنا ضفت نص كمية السكر بالظبط حوالي كوبيتين وربع
وبخفق بعد كل اضافة لحظوا لون الكريمة بدا يبدأ فاتح جدا ازاي

هنا صورة قريبة لشكل الخليط


واستمريت في اضافة السكر على دفعات بسيطة
 حوالي 1/2 كوب في كل مرة


ونضيف حوالي معلقتين طعام من الكريمة
 ونخفق وهكذا لحد ما نخلص كمية السكر والكريما


وهنا بعد ما خلصت عمل الكريمة 
لاحظو القوام كثيف ازاي


وهنا صوره أقرب جدا

هنا اختبار للكريمة بإستخدام المعلقة
 بصو مكان المعلقة متماسك وأملس


ولو عملتي اي تشكل او ديزاين على الوش
 بيحافظ على شكلو جدا


لونت جزي من الكريمة باللون الاحمر ببساطة
خدت كمية بسيطة من الكريمة في بولة منفصلة
 وضفت عليها نقاط من اللون الاحمر بالتدريب


وخفقت فطلعت الكريما على بمية 
رجعت زودت من اللون الاحمر


وده شكلها وكل ما تفضل لونها
هيبقى أحمر غامق زي ما هنشوف بعد كده