وصفات - فى اول الصفحه

أسياخ الدجاج والخضراوات المشوية



المقادير

½ كيلو صدور دجاج مقطّعة مكعبات متوسطة الحجم
ثمرة فلفل أحمر مقطّع مكعبات متوسطة الحجم
ثمرة بطاطس مقطّعة مكعبات متوسطة الحجم
ثمرة باذنجان مقطّعة مكعبات متوسطة الحجم
ثمرة طماطم مقطّعة مكعبات متوسطة الحجم
ثمرة كوسة مقطّعة مكعبات متوسطة الحجم
ثمرة بصل مقطّعة مكعبات متوسطة الحجم
ملعقة كبيرة بهارات فراخ (هتلاقيها عند العطار)
½ ملعقة صغيرة روزماري
أسياخ معدنية أو خشبية
3 فصوص ثوم مفرومين
¼ كوب زيت زيتون
½ كوب زبادي
كوب مية بصل
ملح وفلفل

الطريقه

اخلطي مية البصل مع الملح والفلفل والروزماري وزيت الزيتون والزبادي والثوم المفروم
وبعد كده تبّلي بهم صدور الدجاج
وسيبيها في التلاجة مع التتبيلة لمدة 3 ساعات

بعد كده رصّي قطع الدجاج والخضار في الأسياخ

بحيث يكون ترتيبهم كالآتي

قطعة من صدور الدجاج
قطعة كوسة
قطعة باذنجان
قطعة بطاطس
قطعة بصل
قطعة فلفل
قطعة طماطم

وكرّري نفس الترتيب مع باقي الأسياخ لحد ما تخلص الكمية اللي عندك

شغّلي شواية الفرن على درجة حرارة متوسطة
وحطّي أسياخ الدجاج بالخضراوات على صينية
ودخّليها الفرن مع تقليب الأسياخ من وقت للتاني
لغاية ما تلاقي إن الدجاج لونها بقى دهبي
خرّجي الأسياخ من الفرن وحطّيها في طبق التقديم

وبالصحة والهنا

إرسال تعليق

0 تعليقات