المقادير والطريقة
الموزة تتقطع طرنشات وتتشوح حلو في السمنة
وتنزلي عليها بالبصل المفروم والفلفل الاسود وحبهان
تغطيها بماء ساخن من الكاتل وتسيليها تستوى 3/4 سوا
المحشي
ورق العنب يتحط دقيقتين في مية سخنة مع لمون اول مالونه يغير تنشليه من المية
بتبشري بصلة كبيرة وتقطعي الخضرة بقدونس وكسبرة وشبت بكميات متساوية
الطماطم بتحطيها في مية سخنة تاخد غلوة وبعدها مية ساقعة لتسهيل التقشير
بتقشريها وتفرميها بالهاند بليندر وتحطيها تشرب ميتها على النار
بتضيفي لكل نص كيلو رز كوبين طماطم وكوب خضرة وبصلة كبيرة وربع كيلو لحم مفروم وملح وفلفل وكمون وزيت او سمنة بلدي
بتدهني الطاجن سمن بلدي بتحطي شرايح بصل وطماطم وجزر واللحمة بتاعتك
ترصى ورق العنب دواير او وردة زي ماتحبي
بتضيفي معلقة صلصة للشوربة وتسقي بيها المحشي ولازم الشوربة تغطيه عشان الطاجن بيبخر مية اكتر من الحلة
بتغطي الطاجن بورق زبدة وفوقها فويل وتدخليه الفرن ساعة بعدها تكشفيه 5 دقايق وبالهنا
0 تعليقات