طبعا عارفين مزيل البقع ده بديل ليه
خمس معالق بيكربونات
خمس معالق صابون سائل
نصف كوب ماء اكسجين من الصيدليه تركيز 40
تحطى معلقه منه على البقعه وسبيها عشر دقايق وافركيها بايدك لو لسه مطلعتش سبيها كمان شويه وحطيها زى ما هى فى الغساله وانسى بقى اى بقع
بس لو الوان زاهيه وجديده جربى فى طرفها الاول قبل ما تحطى عليها
انما الابيض انسى اى بقع مع الخلطه دى
زى الصورة نضفى البراقع والستائر القماش بالمكنسه
حوامل البوتجاز والطاسات اللى فقدتى الامل فيها انها تنضف حطيها جوا كيس ورشيها نشادر كتير وعليها خل واربطى الكيس وسبيها فى البلكونه يوم كامل لحد ما الكيس يتنفخ واغسليها هترجع جديده
لو بتنصفى شيش او ستائر معدنيه البسى شراب وتبلى ايدك بالخل وامسحيه وبعد كده امسحيه بسفنجه عليها فازلين او اى كريم مرطب عندك علشان ميمسكش فيه التراب
بعد ما تخلصى الاكل هاتى منديل ورق حطى عليه نقطتين زيت ونقطتين خل وامسحى سطح البوتجاز هتلاقيه بقى مرايا
تنظيف البلاط القديم او بمعنى اصح الجلى
رشى عليه كلور وفوقه بيكربونات وسبيه ساعه هيرجع جديد
بس ممنوع للحوامل ومرشى الحساسيه وممنوع يشمه الاطفال
خلطه تانيه اخف شويه
نشادر وخل وسبيها ساعه نفس الشئ
اعملى تربو صغير لكل واحد من ولادك فى المدرسه عليه اسمه يبقى فيه كتبه وادواته وكل حاجاته هيريحك فى التنظيف كتير
الغسيل عندك بيطلع مكمكم والمسحوق ملوش ريحه فى الغسيل غالبا بتكون المشكله فى الغساله وفى مواسير سحب الميه والصرف عايزه تتنضف بس مؤقتا حل سريع حطى المسحوق مع الهدوم ومتخافيش مش هيحصل لها اى حاجه هتلاقى الهدوم بتنضف احسن وريحة المسحوق فيها قويه
تنظيف ع السريع للحوائط لفى فوطه مطبخ على المقشه وتكونى مجهزه ميه وعليها بيكربونات وخل وادعكى الحوائط رايح جاى
فكره بسيطه تطلعى بيها الوبر من الجواكت بحجر الرجل الحفاف
عايزه تنظفى حلوق الشبايبك والبلكونات لفى ورقة كرتون على المكنسه واسحبى التراب من الحلوق
0 تعليقات