تارت الفراوله بحشو الكاسترد علي طريقتي

العجينة

عدد 3 كوب دقيق
و1 رشة صغيرة ملح
و1/4 ملعقة صغيرة قرفة
و1 كوب زبدة لينة
و1 كوب سكر ناعم بودرة
و2 حبة كبيرة بيض
و1 ملعقة صغيرة فانيليا سائلة
و1 ملعقة صغيرة برش برتقال أو ليمون

الحشو

عدد 3 كوب حليب
و1/2 كوب نشا
و1/2 كوب سكر
و2 حبة كبيرة صفار البيض
و2 حبة كبيرة بيض
و1 ملعقة صغيرة فانيليا سائلة
و1 ملعقة صغيرة برش برتقال أو ليمون

الطبقة العلوية

عدد 1 سلة فراولة
و1/4 كوب مربى مشمش مصفى

الطريقه

في الاول حطي الزبده والسكر البودره
واضربيهم مع بعض لحد ميبقوا زي الكريمه ولونهم يفتح
وبعدين ضيفي البيض واضربي كويس لحد ما يخطلتوا
وبعدين ضيفي المكونات الجافه عليه
و بيسيهم مع بعض من غير عجن لمي العجبنه
و سبيها ترتاح في التلاجه لمده نص ساعه
و بعدين طلعيها وافرديها في قالب التارت اللي موجود عندك
وخرميها بالشوكه من النص عشان متتنفخش
ودخليها الفن متوسط لمده ربع ساعه

لتحضير الكاستيرد

حطي اللبن يغلي علي النار وبعدين حطي باقي المكونات مع بعض
واضربيهم كويس لحد ميدوبوا فمع بعض ولما اللبن يسخن خدي منه شويه
وضفيهم علي الخليط مع التقليب المستمر عشان يبقي بنفس درجه حراره الللبن
وبعد كدا ضفيه علي اللبن وانتي بتقلبي بسرعه
واستمري بالتقليب لحد ما يتماسك الكاسترد وبعد ما يستوي سبيه علي جمب يبرد
ورشي علي وشه شويه سكر عشان مينشفش ويعمل طبقه

طلعي التارت من الفرن
ولما يبرد هو و الكاسترد ابداي تحشيه
و تزينيه بالفراوله زي مانتي بتحبي
و لمعيه بمربي المشمش عشان يبقي شايني

و متنسيش تدهني التارت بالشوكولاته قبل ما تحشيه
عشان يعيش معاكي مده اطول بالتلاجه و ميطراش منك

و بالهنا والشفا