المكونات

اولا : التارت

مقدار 125 جرام دقيق منخول - يعنى مقدار فنجان كبير
نصف ملعقة صغيرة من القرفة
و55 ج  مسحوق السكر - يعنى فى قرابة معلقتين كبار سكر بودرة
و70 ج  الزبدة ومكعبات - يعنى مقدار فنجان صغير والزبدة تكون مكعبات يعنى مش سايحة 
و2 بيض
و1 صفار البيض

ثانيا : شيكولاته البندق

شوكولا البندق - ممكن جاهزه وممكن نجيب كابرى بالبندق اتنين متوسطين 
و200 ج  البندق - مقدار فنجان كبير وعليهم معلقة
و1 كوب سكر ناعم

ثالثا : مخفوق الشيكولاته

(اللى هو هنملى بيها التارت بعد ما يستوى)
مقدار 100 ملى لبن كامل الدسم  - برضه يعنى فنجان كبير مش مليان للاخر يعنى 3\4 بس
و280 ملى كريم مخفوق جاهز - يعنى مقدار فنجانين كبار
معلقتين كبار سكر بنى  - لو مش عندك سكر عادى
مقدار 175 ملى شيكولاته سادة - اللى هى مرة واللى بنسميها خام ومقدارها يكون فى قرابة الفنجان الكبير متقطعة قطع صغيرة
و1 بيضة

رابعا : كريمة التوت

مقدار 200 جرام توت يعنى مقدار فنجانين كبار
نص كوباية مية 
وكمان ربع كوب سكر بنى

طريقة العمل

سخن الفرن على درجة 180
نخلك الدقيق المنخول + القرفة + السكر البودرة + الزبدة
وتضرب بالمضرب جيدا حتى تصبح عجينة نضيف البيضة وصفار البيض للعجين
ونعجنه كويس لمده 30 ثانية او لغاية ما تبقى العجينة متماسكة
ونحطها فى كيس بلاستيك ونسيبها تريح لمده 10 دقايق 
نجيب القالب بتاع التارت ونفرد فيه زبدة وورق زبدة لو عندك
وبعدين نفرد فيها العجينة ونحط على العجينة ورقة ونحط على الورقة فول او فاصوليا بيضا
علشان العجينة مش تبوظ وتبقى بشكل القالب ونحطها فى الفرن لمده من 5 الى 10 دقايق 
ونطلعها علشان تريح
نحمص البندق كويس لمده 6 دقايق ونقلبه ونحاول نشيل القشرة ونفركها يعنى 
نحط فى الطوة مع البندق السكر ونقلبه كويس لغاية ما يبقى كراميل ويلزق فى البندق
بعدين نسيبه يبرد على ورقة زبدة علشان ما يزلقش وبعد ما يبرد نكسرة حتت صغيرة 
نجهز الكريم شانتى ونضربه كويس
نسيح شيكولاته البندق ونخلطها مع الكريم شانتى لغاية ما تبقى متماسكة ونضربهم كويس
( ونحط فيهم فى الاخر البندق المكرمل اللى كسرناه )
اخلطى بعض الكريم شانتى بمعجون التوت
( وممكن نعمله بالفراولة هيبقى حلو برضه )
كويس وكده يبقى عملنا كريمة التوت
نحط بقى المكونات على الطبق 
نجيب عجينة الترات ونملاها بمخلوط الكريمة والبندق
نجيب بقى كريمة التوت ونفردها على الطبق التقديم 
وبعدين نحط كورة كريم شانتى وكده يبقى تمام وبالهنا والشفا