قطايف رمضان

شوفوا الطرق و الحشوات المختلفه

قطايف بالمكسرات والشربات

قطايف بالجبنة

قطايف بالجبنة والبقدونس

قطايف باللحمة المفرومة

وكل واحدة واختراعتها والحشوه اللى بتحبها

الحشوة الاولى

القطايف بالمكسرات

نجيب القطايف الوسط

جهزت المكسرات

اللوزوالسودانى كسرتهم وحطيت معاهم الزبيب وجوز الهند

ورشة فانيلا

حطيت معلقة صغيرة من المكسرات على القطايف

وبعدين عملت الشربات

كوب مية +كوب سكر

ونص ليمونة ورشة فانيلا وعالنار

من 5 الى 10 دقايق

وطبعا قليت القطايف وحطيت عليها الشربات

الحشوة التانيه

القطايف بالجبنة

جبنة دومتى اسطنبولى او اي نوع جبنه او مثلثات

بس مش حادقة خالص وطعمها حلو جدا

وممكن تستعملى جبنه فيتا

حطيت معلقة صغيرة من الجبنه

وقفلتها وحطيتها فالتلاجة عشان السحور

الحشوة التالتة

قطايف بالجبنة والبقدونس

وهنا استخدمت نفس الجبنة وقطعت عليها البقدونس

وحشيت بيها القطايف

الحشوة الرابعة

القطايف باللحمة المفرومة

باستخدام اللحمة مفرومة معصجة

وهنا حطيت معلقة صغيرة من اللحمة

عشان متكونش تقيلة في السحور او فى الفطار حسب ما تحبي

و بعد كده يتقلوا فى الزيت و يتصفوا كويس

وبالهنا والشفا