خبز البرتقال

المكونات

عدد 4 كوب دقيق متعدد الإستعمالات

و1 و ربع معلقة خميرة فورية

و1/4 كوب ماء دافىء

عصير برتقالتين كبار او تلاتة متوسطين

يعنى حوالى كوب 350 مللى

بشر البرتقالات المعصورة

معلقة صغيرة ملح

و2 معلقة كبيرة سكر

صفار بيضة و يحتفظ بالبياض لدهان وجه الخبز

و2 ملعقة زبدة كبيرة

الطريقة

امزجى الخميرة مع الماء الدافىء

و اتركيهم 10 دقائق

اضربى عصير البرتقال مع بشر البرتقال مع صفار البيضة

مع السكر و الدقيق

و اضيفى الخميرة

وارجعى امزجى الخليط

ثم اضيفى الملح

و قلبى المزيج ثم اضيفى الزبدة الطرية

و اخلطى الزبدة كويس

لو لقيتى العجينة ناشفة اوى اضيفى ربع كوب عصير برتقال

اتركى الخبز يتخمر و غطيه بفوطة و دخليها فى مكان دافىء عشان تخمر

حطيها فى قالب مدهون

ممكن تبقى فى قوالب توست او قوالب كيك مزخرفة او صينية عادية

مدهونة و مرشوشة سميد او بقسماط ناعم عشان ماتلزقش

اخبزيها فى فرن سابق التسخين لمدة 45 دقيقة

برديها على رف سلك و قطعيها و بالهنا