المقادير


2 كوب كبير دقيق أبيض

 كوب كبير ماء دافي

 2 معلقة كبيرة عسل

 2 معلقة صغيرة خميرة

 2 معلقة صغيرة ملح

 ماء للعجن (حسب الحاجة)


طريقة التحضير


في بولة كبيرة نحط الدقيق و الملح والخميرة والعسل وندعكهم مع بعض كويس

 نضيف الماء تدريجياً لمزيج الدقيق مع الاستمرار في العجن لحد ما تتجانس المكونات ونحصل على عجينة متماسكة

 نسيب العجينة تخمر لمدة 30-45 دقيقة

 نقسم العجين كرات متوسطة الحجم ونفرهد كل كرة باليدين ونشكلها اسطوانية وطويلة

 نلزق طرفين العجينة بحيث يبقى المنتصف فاضي ويكون شكل دائرة فاضية من الداخل زي الصورة كده

 نغطى العجينة بفوطة نظيفة ونسيبه يخمر مرة كمان

 نسخن الفرن على درجة حرارة 180

 في حلة على نار متوسطة حطي كمية من الماء (حوالي 1/2 الحلة) وخليها تغلي

 اسلقي قطع الخبز واحدة ورا التانية في الماء المغلي لمدة دقيقة على كل جانب

 ارفعي الخبز على فوطة نظيفة او على رف شبكي عشان يتصفى من الماء الزيادة

 في صينية فرن فيها ورقة زبدة رصي الخبز ودخلي الصينية الفرن لمدة 15-20 دقيقة وبعدين خرجيه من الفرن وسيبيه يبرد وقدميه