بيتزا دجاج باربيكيو رانش

 

المقادير

2 كوب دقيق
ربع كوب حليب بودرة
ثلث كوب زيت
ماء دافي للعجن
معلقة صغيرة خميرة فورية
معلقة كبيرة سكر
نصف معلقة صغيرة ملح

الحشو

2 صدر دجاج ​​مقطع شرائح
نصف كوب صوص باربيكيو
ربع كوب صوص رانش
نصف بصلة مقطعة شرائح
معلقة كبيرة زيت زيتون أو أي نوع زيت نباتي
معلقة صغيرة ملح
معلقة صغيرة فلفل أسود
جبنة موتزاريلا أو جبنة شيدر

طريقة التحضير

⁃ نخلط المكونات الجافة كويس وبعدين نضيف الزيت
ونخلطهم مع بعض كويس وبعدين نضيف الماء الدافي بالتدريج
ونعجن كويس لحد ما العجينة تلم معانا وندهنها زيت بسيط
ونغطيها نسيبها تخمر في مكان دافي لمدة ساعة

⁃ نرش شوية دقيق على الرخامة وهنفرد العجينة عليها بالنشابة

⁃ نسخن الفرن على درجة حرارة عالية وندهن الصينية بالزيت ونرش عليها دقيق بسيط
ونحط فيها العجينة اللي فردناها ونسيبها 10 دقايق تستريح
وبعدين نضغط عليها بإيدينا ونعملها حواف من الأطراف

⁃ نضغط على العجينة بأطراف الأصابع وبعدين نخرمها بالشوكة

⁃ سخني طاسة متوسطة على نار عالية
وضيفي معلقة كبيرة زيت وحطي الدجاج والبصل وشوحيهم لمدة 5 دقائق

⁃ ضيفي ربع كوب من صوص الباربكيو
وقلبي لمدة 3-5 دقائق كمان لحد ما يبدأ الدجاج والبصل في التكرمل
وبعدين نرفعه عن النار ونسيبه على جنب

⁃ في طبق صغير اخلطي ربع كوب من صوص الرانش وربع كوب من صوص الباربكيو المتبقي
وخليهم على جنب

⁃ افردي خليط الباربكيو والرانش على البيتزا
وضيفي خليط الدجاج والبصل
وحطي الموتزاريلا على الوش

⁃ اخبزيها في الرف اللي تحت لمدة 12-15 دقيقة