المقادير
كيلو طماطم مقطعة انصاف
حبة فلفل احمر حلو متقطعة ارباع
بصلة متوسطة متقطعة انصاف
3 فص ثوم متقطع انصاف
معلقة صغيرة ملح
ربع معلقة صغيرة فلفل اسود
2 معلقة كبيرة زيت زيتون
2 كوب مرق دجاج
معلقة صغيرة زبدة
2 فص ثوم مهروس
نصف كوب كريمة طهى
بقدونس للتزين حسب الرغبه
طريقة التحضير
- نسخن الفرن على درجة حرارة 200 ونجهز صينية واسعة
ونحط فيها الطماطم والفلفل الاحمر والبصل والثوم الشرائح
ونتبل بالملح والفلفل
ونضيف الزيت فوقهم ونقلبهم مع بعض كويس
- ندخل الصينية الفرن بدون ما نغطيها حوالى 20 دقيقة
مع تقليب الخضروات من وقت للتانى لحد ما تحمر شوية
نخرجها من الفرن ونسيبها تبرد شوية
ونضربها في الخلاط لحد ما تبقى ناعمة
- في حلة على النار نسخن الزبدة والثوم المهروس
ونقلب كام ثانيه لحد ما الثوم يدبل
- نضيف الطماطم المهروسة ومرق الدجاج
نسيبها تغلى شوية لحد ما الشوربة تتسبك ندوقها
ونضيف الملح حسب الرغبه
ونضيف شوية ماية لنحصل على الكثافة المطلوبة
- نضيف الكريمة على الشوربة
نحط الشوربة فى طبق التقديم وتزينها بالبقدونس حسب الرغبه
ونقدمها ساخنة
0 تعليقات