1-التهويه
اول ما تصحى افتحى شباك الاوضه وشفاط المطبخ يسحب الابخره ويجدد النفس
2- الستاير والسجاد
يكون مغسول مش مبقع ولا مترب
ولو الاوضه مزنوقه ومكتومه شيلى السجاد
وخليكى فى دواسات رقيقه وخفيفه فى الصيف
3- بلاش فلكلور ورود ودباديب ولعب
خلي الاوضه رقيقه ومريحه وسهله وسريعه فى التنضيف وكفايه برواز ولا 2 شكلهم حلو
4- اوضه نوم يعنى دولاب
اقراى البووست ده هيفيدك إن شاء الله
5- التسريحه بلاش جو السوبر ماركت ده
ولمى حاجتك فى علبه شيك أو خصصى درج
ده بس مش ارق .. لا وكمان اريح للعين
6-المرايات وازاز الكمود لازم يكون متلمع
7- بلااااااش بخور ومعطرات جو فى الاوضه
علشان ده خطا صحيا وبيسبب حساسيه صدر
8-كرسى الغسيلده يطلع بره الاوضه فورا لأنه بيسبب كسل
وبيخلى الهدوم تتراكم لحد السقف
طبقى اول ب اول اريح
9- الشماعه اللى ورا الباب دى تعلقى عليها لبس البيت اللى هيتلبس
مش يتركن ولبس الخروج بتاع زوجك
وقطعه واحده من لبسك تكون جاهزه تنطى فيها لو مستعجله
مش كوووووول حاجه تتعلق عليها
10- كل فتره غيرى ورق الجرائد فوق الدولاب
ولو دولابك عليه شنط حاولى تكون الشنط شبه بعض علشان الزحمه بتعمل اكتئاب
اوضه نومك مكان راحتك
حاولى تجددى فيها كل فتره
وحبيها وخليها مكان لخلوتك
ويا سلام لو تصلى فيها وتقراى فيها قرءان
هتحسى انها اوضه سلام وهدوء غير عادى
😍😍😍
0 تعليقات