كيكه الفراوله الهشه بالجيلي 

المكونات

كوب عصير فراوله
4 بيضه
2 كوب دقيق
كوب سكر
2 ملعقة صغيرة بيكنج بودر
فانيليا
ملعقة كبيرة خل
رشه ملح
4/3 كوب زيت ذره
4 حبات فرواله مقطعه مكعبات

للتزيين

2 باكو جيلي فرواله
¼ كيلو فرواله مقطعه شرايح
2 كوب ماء مغلي
كوب ماء بارد
¼ كوب سكر

الطريقة

بصو من الاخر عشان تبقى سهله هاعملها نفس طريقه الكيكه العاديه
اللي هيا بتكون بعصير البرتقال بس الفرق انه دي عصير فرواله
هنحط ف الخلاط كل المكونات ماعدا الدقيق والبيكنج بودر ورشه ملح صغننه
هانخلط كل المكونات كويس اوي ف الخلاط بعد كدا نضيف الدقيق بالتدريج لحد مايبقى القوام مناسب
قطع الفرواله الصغننه هانرشها بشويه دقيق
ونحطها مع الخليط دا وطبعا الفرن هيكون شغال من قبل ما نبدأ ف الكيك
والصينيه هاتبقي مبطنه وجاهزه هانحط الخليط
وندخلها الفرن ع 180 ونسيبها لحد ماتستوي
طبعا الجيلي هانعمل زي الخطوات اللي مكتوبه ع الباكيت بس هانضيف السكر ونقلل كوب ميه بارد
هانعمل الجلي قبل الكيك بكام ساعه كدا عشان يجمد معنا
بس لازم تكون الصينيه الخاصه بالكيك
نفس مقاس الصينيه اللي هنعمل فيها الجيلي ونرص عليها الفرواله الرايح
ونسيبها ف التلاجه مش اقل من 4 ساعات
هانخلي الكيك يبرد ونقلبها ع طبقه الجيلي

👈 الخطوه الأهم
نحط الصنيه ف شويا ميه دافيه عشان لما نقلبها تنزل معنا حلوه وسليمه