المقادير
نص كيلو صدور مخليه او وراك
علبة زبادي
معلقة دبس الرمان
معلقة كاتشب
معلقتين زيت صغيرين
معلقتين خل صغيرين
معلقة صويا صوص
فصين توم مفرومين
التوابل
معلقة ملح صغيرة
معلقة فلفل اسود صغيرة
معلقة كمون صغيرة
نص معلقة كاري
نص معلقة كركم
نص معلقة قرفه
نص معلقة جوزة الطيب
نص معلقة ببريكا
نص معلقة زنجبيل
مرقة دجاج اختياري
معلقة بصل بودر صغيرة
معلقة توم بودر صغيرة
لو في حاجه او حاجتين من التوابل مش موجودين كملي عادي
طريقه التتبيله
نحط علبة الزبادي وننزل عليهم بالزيت والخل والكاتشب والتوابل بتاعتنا والصويا صوص ودبس الرمان وفصين التوم نقلب كويس جدا
لو لقتيها تقيله معاكي ممكن تزودي شوية مياه صغيرين
ونقلبهم كويس اوي وننزل عليهم بالفراخ بتاعتنا ونقلبهم كويس جدا ونغطيهم
ونحطهم في التلاجه لمدة 4 ساعات علشان الفراخ تشرب التتبيله كويس
وبعد ما تطلعيها من التلاجة تجيبي طاسه
وتحطي فيها شوية زيت صغيرين وتنزلي فيها بالفراخ بتاعتك
وتقلبها على النار لحد ما المياه بتعتها تروح خالص
وبعد كده تدخليها الفرن على الشواية
تاخد لون من فوق علشان تديلك القرمشه الي بتبقى في الشاور
عيش الصاج
تجيبي 2 كوب دقيق وتحطي عليهم معلقة لبن بودرة ورشة ملح ورشة سكر ومعلقتين زيت صغيرين
ونعجن بمياه دافيه لحد ما تلم معاكي تبتدي تعمليها كور صغيره
وتسبيبها تهدى لمدة 10 دقايق علشان
وانتي بتفرديها متلمش معاكي و تتفرد بسهوله
نبتدي بقا نفرد العيش بتاعنا تجيبي النشابه
وتحطي تحت العجينه شوية دقيق وتفردي على قد ما تقدري لحد ما تبقى رقيقه معاكي خالص
اهم حاجه في العيش الصاج انك تفردي العجينه كويس اوي
تجيبي صاج او اي طاسه عندك اهم حاجه يكون القاع بتعها متساوي
يعني تكون مفردوه مفيهاش تقوصات
ومن غير ما تدهنيها اي حاجه تولعي عليها على نار متوسطة
وتدي العيش لون بس متسبيهوش كتير على النار
وبعدين تطلعيه في كيس وتغطيه بفوطه مبلوله
علشان يبقى طري معاكي ومينشفش منك
التوميه
المكونات
علبة زبادي
معلقتين نشا
كوب الا ربع زيت
فصين توم مفرومين
كوب مياه
معلقه ملح صغيره
معلقتين خل صغيرين
الطريقه
نجيب حله صغيره نحط فيها معلقتين النشا وكباية المياه وندوبهم كويس جدا
وبعدين نحطهم على النار لحد ما ياخدوا معاكي سمك تقيل زي المهلبيه
ونسيبه يبرد خالص وبعدين نحطه في الخلاط
وننزل عليه بالزبادي والتوم والملح والخل
ونضربهم كويس في الخلاط وننزل بالزيت واحده واحده
والخلاط شغال ونضربهم كويس اوي مع بعض
لو انتي بتحبي التوميه تقيله اوي
ممكن تحطي نص كوب زبادي بدل كوب
0 تعليقات