المكونات والطريقة
نجيب الكنافة ونحطها في الفريزر يوم ونطلعها نفتفتها بايدينا او في الكبة
ونرش عليها سكر بودرة حوالي معلقة كبيرة علي النصف كيلو وكوب زبدة سايحة نحطها
ونفرك الكنافة بايدينا لحد ما الزبدة تختلط بالكنافة كلها ونجيب قوالب بتعمل الشكل ده
او لو مش متاحة بنجيب قوالب الكب كيك نحط في كل واحدة جزء
ونضغط عليها من النصف ومن الجناب ونسيب النصف فضي
ونحط غطاء بيبسي او اي غطاء قزازة ونحط حواليه الكنافة
المهم تحتها يبقي الكنافة محطوطة كويس وقبل ما نحط في القالب نحط معلقة زبدة في كل قالب
وندخلها الفرن علي درجة حرارة ٢٠٠ لحد ما تحمر وتاخد لون حلو نطلعها نحط عليها
وهي سخنة شربات معلقة شربات صغيرة علي كل واحدة لان الشيكولاتة مسكرة
ونحط الشيكولاتة بعد ما الكنافة تبرد تماما وبالهنا والشفا
الشيكولاتة بنحطها في الميكرويف ٣٠ ثانية علشان تفك شويا ومعلقة زيت علي كوب النوتيلا علشان تلمع اكتر
وعلشان متبهدليش الدنيا او تبقي شكلها مظبوطة اكتر حطي الشكولاتة في كيس حلواني أفضل
0 تعليقات