هعرفك شوية اسرار عشان تعملي عصير ليمون بالنعناع زي بتاع الكافيهات 👌👌
المكونات
- 4 حبات ليمون
- سكر حسب الرغبه
- ماء مثلج
- ربع كوب لبن
- ورق نعناع اخضر مغسول
- مكعبات الثلج
- ملعقه كبيرة كريم شانتيه أول لبن بودره اختياري
الطريقة
اول حاجه هنمسك الليمون نغسله ونقشره ونقطع الطرفين بتوعه علشان بيكونو سبب كبير في المراره بتاعة العصير
ونقطع الليمونه علي نصين ونخرج البذور
ننزل بالميه والسكر واللبن والكريم شانتيه في الخلاط ونضرب كويس لحد ما السكر يدوب 💯
ننزل بالليمون والنعناع ونضرب لمدة عشر ثواني بس👌
يعني نعد لحد عشره ونوقف الخلاط
ملحوظه ✅
لان كتر ضرب الليمون بيخلي القشره تتفرم بزياده
وتخرج طعم المرار اللي في الليمون وكمان النعناع وتغمق معايا لون العصير
بس كدا صفي العصير بمصفاه ضيقه واستمتعي باعظم مشروب صيفي منعش بدرجة امتياااز وضيفى مكعبات الثلج
ملحوظه تانية ✅
اضافة اللبن مع عصير الليمون بتضيع الحموضه والحمو بتاع الليمون وبتحافظ عليه فتره اطول بدون ما
يمرر ولا يتغير طعمه ولا لونه يسود
اضافات هتعلي معاكي ويبقا م الاخر زي بتاع الكافيهات
عارفه شربات فيتراك بتاع زمان هنجيب منه ازازه بالنعناع ونضيف منها معلقتين علي عصير الليموناده اللي عملناه هيديله اللون الاخضر الرهيب اللي بنشوفه وبنبقا مستغربين نطلعه ازاي
واوعي تكتري نعناع علي اساس هيظبط معاكي اللون
ابدااا❌❌❌❌
كتر النعناع بيسود العصير ويمرر✅
وممكن نضيف مشروب غازي بالصودا كدا بقا هتدمنيه
وشوفي بنفسك كمية الانتعاش و الفرفشه اللي هتحسي بيها من العصير الليموناده اللي عملتيه بإيدك
0 تعليقات