١_ احتفظي بالقشطة اللي بتكون علي وش اللبن وعشان يبقا في وش لبن حلو اغلي اللبن وبعدين حطيه في التلاجة تاني يوم هيبقا فيه طبقة قشطة كبيرة واعملي منها احلي زبدة بلدي😇

٢_لما تيجي تطبخي فاصوليا اولوبيا أو ترمس أو حمص أو اي حبوب لازم ننقعها ليلة كاملة وبكدة مش هتاخد معاكي وقت في التسوية🙂

٣_ لو السمك🐟 المقلي بيشرب زيت يبقا لازم بعد مانغطيه بالدقيق ننزله في طبق فيه مياه وبعدين ننزله في الزيت هيفضل مقرمش وجميل😊

٤_لو بتسلقي لحمة وعوزاها تستوي اسرع حطي معاها نواه بلح أو سكر😗

٥_نص معلقة سكر علي السلطة البلدي بتخليها زي بتاعت المحلات🤩

٦_ معلقة صغيرة كركم علي الدقيق بتاع السمك المقلي بيخلي لونه تحفة🫠

٧_قبل ماتطبخي الخضار شوحيه مع البصلة بملح وفلفل وبعدين نزلي الطماطم وشوية شوربة هتدوقي احلي والذ طبيخ😙

٨_البصلة مع الشوربة هي اللي بتدي طعم للشوربة من غيرها الشوربة ملهاش طعم مع حبهان وورق لورا😉

٩_جربي ماتحمريش التوم وأنتي بتطبخي يدوب يصفر بسيط وتطلع ريحته هيبقا خفيف علي المعدة ☺️

١٠_البتنجان لو بيشرب زيت رشي عليه ملح وحطيه في مصفاة هينزل كل المياه اللي فيه وبكدة عمره مايشرب زيت و حطي عليه رشة دقيق 🙂

١١_طشة الملوخية عشان تعمل صوت يبقا لازم الزبدة تكون كتيرة وده السر للصوت العالي للطشة 🫠