المكونات
1/2 كيلو لحمة مفرومة
بصلتين كبار مبشورين ناعم
طماطماية كبيرة مبشورة
فرن فلفل رومى و قرن حار
مكعب لية ضاانى
معلقة كبيرة دقيق
بيودى الطعم ف حتة تانية
التوابل
ملح و فلفل أسود و بابريكا و بهارات حواوشى
أو بهارات لحمة و رشة جنزبيل بودرة
مكعب مرقة لحمة (اختيارى)
نخلط كل المكونات مع بعضها و نعجنها كويس جدااا
نحشى كل رغيف عيش و نفرد اللحمة كويس جدا
طبقة متوسطة لا هى سميكة و لا رفيعة أوى
ندهن رغيف الحواوشى من الوش و الضهر بشوية زيت
أو سمنة أو لية ضانى سايحة
التسوية
ع الجريل أو الطاسة بتاخد حوالى 10 دقايق
(بيكون طرى سيكا )
ف الفرن ف صينية تيفال بتاخد حوالى 15 دقيقة
(بيكون مقرمش من برة اكتر )
و يا سلام لو رفعتيه على مفرش سيليكون حرارى
أو صينية بشبكة بيبقى خطييييير
قدموه مع سلطة طحينة و بالهنا
0 تعليقات