المقادير

8 بيضات
كوب وربع سكر بودرة
كوب ونصف دقيق
2 ملعقة كبيرة بيكنج بودر
ملعقة صغيرة فانيليا

الطريقة

شغلى الفرن الاول
نضع البيض و الفانيليا فى ايناء بلاستيك عميق ونقوم بخفقه بمضرب كهربائى
نستمر فى ضرب البيض على سرعة عالية لمدة 5 دقائق لوحدة
ثم نضيف السكر شوية شوية و المضرب شغال
يستمر الضرب لحد ما تلاقى البيض و السكر تقلو اثناء الخفق
و لما ترفعى المضرب لفوق تنزل العجينة على هيئة خط تخين
ضعى البيكنج بودر عل الدقيق و قلبيهم كويس
نضع الدقيق على الخليط الدقيق شوية شوية و بالمعلقة الخشب اخلطهم 
ويكون التقليب على هيئة نص دائرة وخط من النص نص دائرة و اقطعها من النص
(لكن ما تلفيش العجينة دائرة كاملة )
علشان كل الهواء اللى دخلتية اثناء الضرب ما يطلعش منها و تهبط
اصب العجينة فى الصينية المدهونة زبدة المجهزة بحيث لا تزيد ارتفاع العجينة عن ثلث الصينية
ادخلها فرن متوسط الحرارة و لا يفتح عليها قبل مرور 20 دقيقة الى نصف ساعة
للكشف عن السوى ادخل بالراحة طرف سكينة من الجنب
اذا كانت نظيفة مفيهاش عجينة كدة تبقى استوت
نخرجها من الفرن و نقلبها على منخل او حديدة سلك او اى قاعدة سلك
بعيد عن الهواء حتى تبرد تماما قبل التزيين


ملحوظة

اذا كنتى عوزاها تورتة بالشيكولاتة نضع 2 معلقة كبيرة بودرة كاكاو على الدقيق 
بس اشيل بدلهم 2 معلقة دقيق من مقدار الدقيق

و بالهنا و الشفا

(هذة الكيكة خاصة للتورتات والجاتوهات)

من شروط نجاح الكيكة الاسفنجية

تشغيل الفرن قبل البدء فى العمل
لوضع الكيكة فى الفرن مباشرة وهو دافى بمجرد الانتهاء من عملها
لا يمكن فتح باب الفرن قبل مرور20 دقيقة على وجود الكيكة بداخله
حتى لا يدخل هواء خارجى بارد يؤدى الى هبوطها
ضرب البيض مع السكر بشدة وبسرعة لنتمكن من دخول اكبر كمية من الهواء تساعد على رفع الكيكة
صب العجينة ل ثلث ارتفاع الصينية حتى لا تخرج العجينة من الصينية اثناء النضج و تحترق

ملحوظة ( هذة المقادير تحتاج صينية 28)