المقادير
2 كوب دقيق
ربع كوب حليب بودرة
ثلث كوب زيت
ماء دافي للعجن
معلقة صغيرة خميرة فورية
معلقة كبيرة سكر
نصف معلقة صغيرة ملح
الحشو
صلصة أو كاتشاب
جبنة موتزاريلا
جبنة رومي مبشورة
جبنة شيدر مبشورة
جبنة فلامنك مبشورة
طريقة التحضير
- نخلط المكونات الجافة كويس وبعدين نضيف الزيت
ونخلطهم مع بعض كويس وبعدين نضيف الماء الدافي بالتدريج
ونعجن كويس لحد ما العجينة تلم معانا وندهنها زيت بسيط
ونغطيها نسيبها تخمر في مكان دافي لمدة ساعة
- نرش شوية دقيق على الرخامة وهنفرد العجينة عليها بالنشابة
- نسخن الفرن على درجة حرارة عالية وندهن الصينية بالزيت ونرش عليها دقيق بسيط
ونحط فيها العجينة اللي فردناها ونسيبها 10 دقايق تستريح
وبعدين نضغط عليها بإيدينا ونعملها حواف من الأطراف
- نضغط على العجينة بأطراف الأصابع وبعدين نخرمها بالشوكة
- نفرد الصلصة على العجينة ونحط فوقها الجبنة وندهن الأطراف زيت بسيط (اختياري)
وندخلها الفرن 10 دقائق لحد ماتستوي والجبنة تسيح وتاخد لون حلو
وعشان الجبنة تسيح وتمط معاكي
لازم تكوني مطلعاها من الثلاجة قبل الاستخدام بساعتين لحد ما تفك وتبقى طريه
0 تعليقات